◇
අපගේ දැක්ම
ආචාර්ය සී.ඩබ්ලිව්.ඩබ්ලිව්. කන්නන්ගර ශ්රීමතාණන්ගේ අධ්යාපනික දැක්ම හා සමාජ වටිනාකම් වත්මන් සහ අනාගත පරපුර වෙත ගෙන යාම.
අප ගැන
ආචාර්ය සී.ඩබ්ලිව්.ඩබ්ලිව්. කන්නන්ගර
ගුණානුස්මරණ පදනම
අධ්යාපනය, දරු පරපුරේ කුසලතා වර්ධනය සහ සමාජ සේවය ඔස්සේ ආචාර්ය සී.ඩබ්ලිව්.ඩබ්ලිව්. කන්නන්ගර ශ්රීමතාණන්ගේ දැක්ම හා උරුමය ඉදිරියට ගෙන යන පදනමක්.
කන්නන්ගර ශ්රීමතාණන්ගේ
අධ්යාපනික උරුමය වෙනුවෙන්
අපගේ කතාව
කන්නන්ගර ශ්රීමතාණන්ගේ දැක්ම
ඉදිරියට ගෙන යමින්
විසිවන සියවසේ ශ්රී ලංකාවේ අධ්යාපන ක්ෂේත්රයට සුවිශාල බලපෑමක් කළ ආචාර්ය සී.ඩබ්ලිව්.ඩබ්ලිව්. කන්නන්ගර ශ්රීමතාණන්ගේ චින්තනය දසත පැතිරවීම සඳහා කන්නන්ගර ගුණානුස්මරණ පදනම පිහිටුවන ලදී.
පදනම 2012 වර්ෂයේ ආරම්භ කළ අතර, 2013 වන විට ප්රදේශයේ ජනතාවගේ සහය ඇතිව කන්නන්ගර ශ්රීමතාණන්ගේ ජීවමාන පිළිරුවක් ඉදිකිරීමට කටයුතු කරන ලදී.
ඉන් පසුව දරු දැරියන්ගේ දැනුම, නිර්මාණශීලීත්වය සහ කුසලතා වර්ධනය කිරීම අරමුණු කරගත් තරඟ සහ වෙනත් අධ්යාපනික වැඩසටහන් ක්රමානුකූලව සංවිධානය කරන ලදී.
අපගේ විශ්වාසය
“බුද්ධිමත්, කුසලතා පිරි දරු පිරිසක් බිහිකිරීම”
අධ්යාපනය යනු සෑම දරුවෙකුටම අවස්ථාවක් ලබාදෙන සමාජ බලවේගයක් බව අපගේ වැඩසටහන් තුළින් ප්රායෝගිකව ඉදිරියට ගෙන යාම අපගේ අරමුණයි.
අපගේ දැක්ම සහ මෙහෙවර
අධ්යාපනයෙන් අනාගතය සවිබල ගැන්වීම
◆
අපගේ මෙහෙවර
අධ්යාපනික හා සමාජීය වැඩසටහන් හරහා දරු දැරියන්ගේ දැනුම, නිර්මාණශීලීත්වය සහ විවිධ කුසලතා වර්ධනය කිරීමට අවස්ථා නිර්මාණය කිරීම.
Objectives
අපගේ අරමුණු
ප්රධාන අරමුණ
බුද්ධිමත්, කුසලතා පිරි දරු පිරිසක් බිහිකිරීම.
සමාජ අවබෝධය
කන්නන්ගර ගුණානුස්මරණ පදනම පිළිබඳ ජනතාවගේ අවධානය හා අවබෝධය පුළුල් කිරීම.
නිදහස් අධ්යාපනය
නිදහස් අධ්යාපන ප්රතිපත්තිය රැක ගැනීම සඳහා සමාජය තුළින් එළඹුමක් ගොඩනැගීම.
Foundation History
අපගේ ගමන් මඟ
2012
පදනම ආරම්භ කිරීම
ආචාර්ය සී.ඩබ්ලිව්.ඩබ්ලිව්. කන්නන්ගර ශ්රීමතාණන්ගේ චින්තනය හා උරුමය සමාජය තුළ තවදුරටත් ප්රචලිත කිරීමේ අරමුණින් පදනම ආරම්භ කරන ලදී.
2013
කන්නන්ගර පිළිරුව
ප්රදේශවාසීන්ගේ සහය ඇතිව කන්නන්ගර ශ්රීමතාණන්ගේ ජීවමාන පිළිරුවක් ඉදිකර විවෘත කරන ලදී.
2019
තරඟ වැඩසටහන් පුළුල් කිරීම
දැනුම මිනුම, දීප ව්යාප්ත චිත්ර තරඟ සහ රචනා තරඟ ඇතුළු වැඩසටහන් ක්රියාත්මක කරන ලදී.
2020 – 2021
අභියෝගාත්මක කාලපරිච්ඡේදය
COVID-19 වසංගත ව්යාප්තිය හේතුවෙන් සමරු උළෙල හා තරඟ වැඩසටහන් තාවකාලිකව නතර කිරීමට සිදුවිය.
2022
වැඩසටහන් නැවත ආරම්භ කිරීම
දායක ආයතන සහ දානපතීන්ගේ සහය ඇතිව කන්නන්ගර ගුණ සමරු වැඩසටහන් නැවත පැවැත්වීමට පදනම සමත් විය.
Legacy
කන්නන්ගර ශ්රීමතාණන්ගේ උරුමය
ශ්රී ලංකාවේ අධ්යාපන ඉතිහාසය තුළ සුවිශේෂී ස්ථානයක් හිමි ආචාර්ය සී.ඩබ්ලිව්.ඩබ්ලිව්. කන්නන්ගර ශ්රීමතාණන්ගේ අධ්යාපනික දැක්ම වර්තමාන පරපුර තුළත් සජීවීව තබා ගැනීම අපගේ ප්රධාන වගකීමකි.
එතුමාගේ ගුණානුස්මරණය පමණක් නොව, දරු දැරියන්ට ඔවුන්ගේ හැකියාවන් පෙන්වීමට අවස්ථා සැලසීම, නිර්මාණශීලීත්වය දිරිගැන්වීම සහ අධ්යාපනයේ වටිනාකම සමාජය තුළ තවදුරටත් ශක්තිමත් කිරීම අපගේ වැඩසටහන්වල අරමුණකි.
අපගේ වැඩසටහන් බලන්නJoin Our Mission
කන්නන්ගර පදනමේ මෙහෙවර සමඟ ඔබත් එක්වන්න
දරු පරපුරේ අනාගතය වෙනුවෙන් ක්රියා කරන අපගේ වැඩසටහන් සමඟ සම්බන්ධ වන්න.